Մշակվել է հեպատիտ C-ի դեմ առաջին պատվաստանյութը

Մասնագետների վկայությամբ, մինչ այժմ իրենք չեն կարողացել պատվաստանյութ մշակել, քանի որ վիրուսը մշտապես փոխում է իր ձևը:

Հայտնի է, որ մարդը երկար տարիներ կարող է ապրել հեպատիտ C-ի վիրուսով, նույնիսկ, չկասկածելով դրա մասին: Իսկ այդ ժամանակահատվածում նրա լյարդը քայքայվում է: ԱՀԿ-ի տվյալների համաձայն, արյան միջոցով փոխանցվող հեպատիտ C-ից ամբողջ աշխարհում 170 մլն մարդ է տառապում: Մինչ այդ, հաջողվում էր վիրուսը վերահսկել միայն դեղերի օգնությամբ, սակայն հիվանդությունն անբուժելի էր համարվում:

Բրիտանացի մասնագետները որոշել են  նշանառությամբ ազդել վիրուսի ներքին կառուցվածքի, այլ ոչ թե դրա մակերեսի վրա: Պրոֆեսոր Պոլ Կլեներմանը նշում է.«Հատկապես, ներսում է գտնվում վիրուսի կարևոր հատվածը: Մենք մոդիֆիկացրել ենք գրիպի վիրուսը, օգտագործելով հեպատիտ C-ի գենետիկական նյութը: Այդպես հաջողվել է իմունային համակարգին ստիպել «գրոհել» հեպատիտի վրա»:

Ինչպես ցույց են տվել փորձարկումները, պատվաստանյութն առաջացրել է հզոր իմունային պատասխան, որն ակտիվ է մնացել ամենաքիչը մեկ տարվա ընթացքում, չհրահրելով լուրջ կողմնակի արդյունքներ: Նման արդյունքը թույլ է տալիս անցնել փորձարկումների երկրորդ փուլին: Մոտ ժամանակներս գիտնականները պատրաստվում են պատվաստանյութը փորձարկել այն մարդկանց վրա, ովքեր գտվում են հեպատիտ C վիրուսով վարակման ռիսկի խմբում:

Հարցեր, պատասխաններ, մեկնաբանություններ